CAGAYAN DE ORO CITY-Tunulan sa ayudang pinansyal ni City Mayor Celso Regencia ang pamilyang Baricuatro nga naigo sa dakong sunog sa Zone 2, Fuentes, Maria Cristina, Iligan City.
Kini human ngilngig ang kamatayon sa usa ka inahan kuyog ang laing upat ka menor de edad nga anak sa pag-ulbo sa sunog kagahapon sa kadlawon.
Giila ni Iligan City information officer Joe Pantoja ang mga biktima nga sila si Elizabeth Baricuatro,35 anyos ingon man si Francis,14; Jethan, 9; Nathaniel, 7 ug Xander, 5 nga pulos nagpuyo sa maong lugar.
Gibutyag ni Pantoja nga padayong gisuta pa sa mga imbestigador kon unsa ang hinungdan sa sunog.
Samaron usab sila si Rowelo Noro;Jedith Tiongco ug Filam de la Cerna hinungdan nadala sa ospital.
Apektado ang anaa sa dul-ag 20 ka pamilya o kapi’g 50 ka indibidwal nga nanimuyo usab sulod sa compound diin 250-mil pesos ang initial nga structural damage.
