CAGAYAN DE ORO CITY – Gisupak sa National Citizens’ Movement for Free Elections o NAMFREL-Misamis Oriental Chapter sa kagustuhan sa Kongreso nga isibog ang brgy ug sk elections nga ilusad unta sa Disyembre 1 ning tuiga.
Miingon si NAMFREL-Misamis Oriental Chapter coordinator Nestor Banuag Jr nga dili angayan apan ihinayon ang BSKE 2025 kaysa mairog sa laing bulan sa sunod tuig.
Siya miingon nga makawala sa espirito sa katungod sa matag-botante ang pagbalhin-balhin sa iskedyul sa piliay sa nasud.
Gibutyag ni Banuag nga tungod sa laraw nga pagpasibog sa eleksyon sa brgy,dili kalikayan nga adunay nagpahipi nga grabeng interes sa mga anaa sa katungdanan.
Dili usab kini kumbensido sa palusot sa proponents nga naipit ang incumbent officials sa brgy kay duha lang ka tuig ang masilbihan nila.
Kini tungod kay angay alang subayon ang unsay sulti sa korte suprema ug dili ang kagustuhang-interes sa pipila nga hakog sa gahom ug impluwensiya.
Dumduman nga nasibog ang iskedyul sa Commission on Elections nga registration period sa Hulyo 11 tungod sa maong balaodnon.
Hisayrang naghuwat na lang sa pirma ni Pres Bongbong Marcos ang maong balaodnon alang maong katuyuan.
