Gibutyag sa National Bureau of Investigation (NBI) nga ila nang gi-imbestigahan ang usa ka lalaki nga naghulga online nga ipa-pusil si Presidente Ferdinand Marcos Jr samtang naghatag kini sa iyang mensahe.
Sumala ni NBI Director Atty. Melvin Matibag, natino na nila ang suspek ug kumpirmado usab nga tinuod ang gigamit nga account sa suspek. Sa pagkakaron, gi-andam na ang pagsang-at sa kaso batok kaniya lakip ang posibleng inciting to sedition.
Gibug-aton ni Matibag ang kahinungdanon sa seryosong pagtubag sa susamang mga hulga aron malikayan nga mautro pag-usab. (phillip ariata)
