Nakatilaw una sa hard knockdown ayha na-depensahan ni undisputed super bantamweight title holder Naoya Inoue sa Japan batok kang American challenger Ramon Cardenas.
Kini human pakurati ni Cardenas ang boxing fans dihang gitumba niini si Naoya sa ikaduhang round gamit ang kusog nga left hook.Apan paspas nakabangon ug nakabawi ang Japanese boxer diin gilayong mihimo sa movement adjustments ug attack strategies.
Mihimo si Naoya sa lig-ong mga depensa ug grabeng mga atake hinungdang nalimitahan ang diskarte ni Cardenas sa mga misunod nga rounds.
Pag-abot sa round 7,nakabalos pagpapatumba si Naoya kang Cardenas gamit ang sunod-sunod nga straight right punches apan nakabarog gihapon kini.
Gigamitan gilayon ni Inoue sa iyang pangtapos nga atake si Cardenas hinungdang paglabay sa 45 segundos sa round 8,hingpit na kining gitumba ug gitapos na sa boxing referee ang away.
Tungod niini,nagkupot na si Naoya sa 30 ka daug,walay pildi ug 27 ang pinaagi sa knockouts samtang si Cardenas,nagbaton pa sa 26 ka daug,2 na pildi ug 14 ang via KOs.
Tinguha unta ni Cardenas nga bulingan ang walay mantsa nga record ni Naoya apan wala niya mamintinar ang momentum rason napuno kini sa pinaka-ulahing biktima sa gitawag nga boxing monster gikan sa Asya.
Gihimo ang away sa duruha sa T-Mobile Arena sa Las Vegas,USA ning adlawa.
Hisayrang daghan ang naghulat nga mosugal si Naoya nga ika-kontra niini ang kanhi 3-time boxing world champion John Riel Casimero nga giingong gilikay-likayan niya nga ikasangka.
