JAPAN – Gitakda nga depensahan ni Japanese boxer Naoya ‘Monster’ Inoue sa iyang super-bantamweight world belt batok sa Irish challenger nga si TJ Doheny.
Base sa pahayag sa walay pildi nga boksidor, mahitabo ang ilang pagbahug-bahog sa kinumo sa Ariake Arena sa Tokyo, Japan sa buwan sa Septiyembre, 2024.
Sa pagkakaron, si Inoue naghupot og limpyo nga rekord nga 27 ka daog; 24 niini ang tanan knockouts.
Samtang si Doheny nag-gunit sa 26 – 4 win/loss record diin ang 20 niini iyang nadag-an pinaagi saknockouts.(Bombo Ann Quileste).
