CAGAYAN DE ORO CITY – Nanganti ang garbo sa Lanao del Norte nga si Pinoy boxing champion Marlon ‘The Nightmare’ Tapales nga iyang ipakatulog ang giila nga boxing monster sa Japan nga si Naoya Inoue kon makakita’g ensaktong higayon.
Kini alayon sa ilang unification champion fight nga himoon sa Tokyo City,Japan ning adlawa.
Miingon si Tapales nga mas gusto niya ang istilo sa pag-atake ni Naoaya ka mapasayon niini ang counter punches nga maghatag kaniya’g dakong higayon aron dunay usa nga matumba kanila.
Namahayag si Napales nga dakong dungog dili lang kaniya apan sa tibuok Pilipinas kon molampos kini pagpildi kang Naoya sa ilang away.
Una nang nakataya ang tag-duha ka bakus sa duruha alang sa 122 super bantamweight bout diin ang modaug kanila ang ilhon nga labing unang unification title bout champion.
Naghawid si Tapales sa mga bakus sa World Boxing Association ug International Boxing Federation world super bantamweight belts samtang iya usab ni Naoya ang World Boxing Council ug World Boxing Organization world super bantamweight titles.
Ganado si Tapales nga pamatud-an ang iyang katakos kay nagsilbi kining grabe ka underdog sa tapada nila ni Naoya.
Hisayrang si Tapales dunay 39 ka daug,19 ang knockouts,tulo ang pildi samtang si Naoya naghawid sa 25 ka pulos daug diin 22 ang nakuha sa technical knockouts.
