(Update)CAGAYAN DE ORO CITY – Natugyan na sa militar sa pamilya ang patay’ng lawas sa sakop sa rebeldeng New People’s Army o NPA nga napatay sa engkuwentro sa Brgy Alagatan,Gingoog City ngadto sa Balingsag,Misamis Oriental.
Giila ni 58th IB commander Lt Col Christian Uy ang patay’ng rebelde nga si Hiyong Hendina,hingkod ang edad ug nagpuyo sa Rosario,Balingsag.
Siya miingon nga mismo ang kanhi NPA members ang miila kang Hendina hinungdang napadali ang pagtugyan ngadto sa Gingoog City LGU ayha gidala sa pamilya niini.Nabawi gikan sa napatay’ng rebelde ang baby armalite rifle ug duha ka backpacks.
Gidasig ni Uy ang ubang mga rebelde nga mokanaug na aron mobalik sa ilang tagsa-tagsa ka pamilya kaysa mag-antos sa kagutom,kakapoy ug katugnaw sa kabukiran.
