CAGAYAN DE ORO CITY-Gihulat sa National Police Commission o Napolcom-10 ang pormal nga reklamo sa duha ka sundalo nga giingong gikulata sa pipila ka bagitong pulis diha sa Manolo Fortich,Bukidnon sa miaging semana.
Kini human namahayag ang 4th ID,Philippine Army nga bawi-on nila ang affidavit of dessistance nga gipirmahan sa ilang duha ka sundalo kay mopasaka’g kaso batok sa nangulata kanila nga mga pulis.
Gibutyag ni Atty Robert Lou Elango, chairman sa Police Regional Appellate Board of Napolcom-Northern Mindanao nga gi-monitor usab nila ang imbestigasyon sa internal affairs service o IAS-10 kabahin sa hitabo.
Unang nag-akusar sila si PFC Brian Anco ug PFC Armand Gentiles nga gikulata sila ni PO2 Mark Torregosa ug PO1 Laurence Macalos apan kusganong gihimakak kini sa kadagkuan sa Manolo Fortich PNP.
