CAGAYAN DE ORO CITY, Philippines – Miluwat na sa iyang puwesto si National Police Commission (NAPOLCOM) commissioner Edilberto Leonardo human siya ma cite in contempt sa House Quad Committee ug gi-preso sulod sa House of Representative Custodial Center (HCC).
Gikumpirma ni NAPOLCOM vice chairperson Alberto Bernardo, sa atubangan sa mga magbabalaud ang pagluwat ni Leonardo, ug wala na mihatag sa dugang detalye.
Kahinumduman nga sa miaging semana, gikastigo sa QuadCom si Leonardo tungod sa iyang pagpanago sa kamatuoran, ug gi-akusahan sa komite nga dakung bakakon human siya malambigit sa summary killings ubos sa Duterte Administration.
