Gikataw-an lang ni National Police Commission Vice chairman ug Executive Director Rafael Vicente Calinisan ang report kalabot sa pagkuwestiyon ni DILG Secretary Jonvic Remulla kung legal ba nga si kanhi Chief PNP Nicolas Torre III mahimong maghupot sa civilian position samtang aktibo pa sa serbisyo sa PNP.
Si Remulla namahayag nga , kinahanglan i-review ang balaod sa PNP aron klaro nga dili mahimong magdungan ang duha ka papel sa usa ka opisyal.
Ang Napolcom, bisan pa sa kontrobersiya, nagpahayag nga sirado na ang kaso tungod kay si PNP General Nartatez makadawat na sa iyang four-star badge isip heneral.
Giingon sa Napolcom nga adunay balaod ug regulasyon gikan sa Malacañang nga naghatag sa klarong pamalaod bahin sa maong sitwasyon. Tungod niini, wala na silay nakitang problema ug gi-deklarar nga “case closed” ang isyu.
Ang punto ni Remulla mao ang paglikay sa conflict of interest ug pagpanalipod sa integridad sa PNP.
Apan sa panan-aw sa Napolcom, nasulbad na kini ug wala nay dugang nga aksyon nga gikinahanglan.
