Napulo pa ka mga ngalan ang gipadayag sa House prosecution atol sa impeachment trial ni Vice President Sara Duterte sa Senado, isip mga giingong nakadawat sa confidential funds sa Office of the Vice President o OVP.
Lakip sa gipangalanan sila Renan Piattos, Nova Santos, Mico Harina, Janice Marie Revilla, Patty Ting, Andy Lim, Alejandro Pikit, Feonna Biong, Sisfrunio Balsac ug Gabriel Bisaya.
Sumala sa state auditor nga si Roderick Wamil, ang mga acknowledgment receipt nga gipresentar sa korte kabahin sa 845 ka resibo nga gisumite sa OVP ngadto sa Commission on Audit aron suportahan ang liquidation sa unang P125 milyon nga confidential fund nga gigamit sa Disyembre 2022.
Mitestigo si Wamil nga adunay mga kakulangan sa pipila ka mga resibo, lakip ang walay igo nga supporting documents, mga resibo nga adunay sayop nga petsa, ug mga transaksyon nga wala suportahi sa official receipts.
Ang maong mga kapakyasan maoy kabahin sa basehan sa Notice of Suspension nga giisyu sa Commission on Audit batok sa liquidation sa unang P125 milyon nga confidential fund sa Office of the Vice President.
