Gisaulog sa tibuok Northern Mindanao ang ika-37 ka tuig nga pag-obserbar sa National Disaster Resilience Month niining buwana sa Hulyo, ubos sa temang: “Kumikilos para sa Kahandaan, Kaligtasan at Katatagan.”
Namahayag si Regional Director Antonio Sugarol sa Office of Civil Defense (OCD)-10 nga daku ang matabang sa ilang selebrasyon alang sa paghatag sa dugang kasayuran sa katawhyan batok sa preparasyon sa managlahing kalamidad.
Tipik sa kalihukan ang disaster preparedness trainings, public awareness campaigns, ug mga simulation drills aron mapalig-on ang kahibalo ug kahanas sa katawhan batok sa mga hulga sama sa linog, baha, ug bagyo.
Gi-awhag sa opisyal ang tanan nga sektor sa komunidad, lakip na ang local government units, kabatan-onan, ug mga eskwelahan, nga aktibong musalmot sa mga kalihokan aron mahatagan og kusog ang kaluwasan ug kalig-on sa rehiyon.
