Nabalaka ang kanhi bise gobernador ug ekonomista nga si Joey Pelaez sa padayong paghinay sa ekonomiya sa nasud taliwala sa gilaumang P7.1 trillion nga National Expenditure Program.
Matud ni Pelaez, dako og epekto sa panginabuhi ang kaminos sa pagtubo sa Gross Domestic Product o GDP nga naa lang sa 2.3% samtang nagsaka ang presyo sa mga palaliton hangtod sa 7%.
Gipadayag usab sa kanhi opisyal nga daw nahimong election budget ang maong dakong pondo tungod sa posibleng pagdagsang sa mga politikanhong insertion sa Kongreso.
Segun pa sa ekonomista nga dakong hagit kini sa nasud tungod kay ang maong higanteng pondo kinahanglan pa nga utangon aron lang mapondohan.
