Dili magdeplopy sa warship ang National Maritime Council (NMC) sa Panatag Shoal bisan pa sa presensya sa militar nga barko ug fighter jet sa China. Gipahayag ni Undersecretary Alexander Lopez nga ang ilang desisyon dili pagkatalawan, apan usa ka ma-ampingong lakang aron malikayan ang dakong gubat. Ang tensyon sa West Philippine Sea niadtong Agosto 11 nagpakita sa peligro sa direktang komprontasyon. Busa, mas gipili sa NMC ang diplomatikong paagi aron masulbad ang isyu.
Ang insidente sa Panatag Shoal naglakip sa pagbangga sa Peoples Liberation Army (PLA) warship ug sa China Coast Guard vessel (CCG), nga nagresulta sa kadaot sa duha ka barko, ug pagkamatay sa tolo ka crew sa CCG. Human niini, usa ka fighter jet sa PLA ang nakit-an nga nag-intercept sa eroplano sa Philippine Coast Guard (PCG). Kini nga mga panghitabo nagpalig-on sa argumento nga delikado ang sitwasyon ug kinahanglan ang kalma nga tubag. Ang deployment sa warship mahimong makonsiderar nga probokasyon ug makapahugot sa tensyon.
Una niini, mas gipalig-on sa administrasyon ni Presidente Ferdinand Marcos Jr., ang pagkomitar sa diplomatikong proseso sa pagsulbad sa mga tensyon sa teritoryo. Ang NMC nagtuo nga ang kalinaw ug seguridad sa rehiyon mas maprotektahan pinaagi sa koordinasyon sa civilian agencies sama sa PCG ug BFAR. Ang baruganan sa Pilipinas nagpabiling lig-on sa pagpanalipod sa teritoryo niini, apan dili pinaagi sa militar nga aksyon. Taliwala sa tensyon, ang mahinay ug maalamong desisyon mao ang labing angay nga dalan, ingon ni Lopez.
