CAGAYAN DE ORO CITY, Philippines – Gitin-aw sa National Maritime Council (NMC) nga walay withdrawal sa tropa sa Pilipinas sa West Philippines Sea. Kini taliwala sa agresibo nga pagmandar sa Chinese Foreign Ministry nga langkaton na ang tanan barko sa Pilipinas nga sulod sa ilang 10-dash line o sa tibook South China Sea.
Gitug-an ni (NMC) Spokesperson Alexander Lopez nga mitambong ang Pilipinas sa gilusad nga pulong sa Bilateral Consultation Mechanism sa milabay’ng semana, kundiin, nagmando ang Chinese Government nga ipapahawa na ang PCG sa ilang teritoryo.
Gisupak sa gipadalang delegasyon sa Pilipinas ang maong direktiba ug walay nahitabong kasabutan kalabot sa withdrawal sa PCG sa Escoda Shoal.
Nahitabo ang pulong didto sa Biejing China, Setyembre 11, kundiin gitambungan kini ni Lopez sa NMC, ug Undersecretary for Bilateral Relations and ASEAN Affairs at the Department of Foreign Affairs Maria Theresa Lazaro.
Samtang ang representasyon sa China gilangkoban nila Vice Foreign Minister Chen Xiaodong, representante sa ministro sa depensa, ug mga magbabalaod sa Biejing.
