GIPASIUGDA sa National Union of Peoples’ Lawyers nga kung basihan ang mga kaso ug mga kamatuoran nga ilang nahipos, nagtuo sila nga adunay bug-at nga ebidensya may kalabotan sa kampanya kontra droga sa miaging administrasyon.
Ang NUPL maoy usa sa mga grupong mitabang sa mga pamilya sa mga biktima sa war on drugs aron makapangayo og hustisya alang sa ilang mga mahal sa kinabuhi.
Sumala ni Atty. Ephraim Cortez, ang usa sa gikinahanglan nga elemento sa kaso mao ang pagpakita sa gitawag niyang “common plan.”
Matod niya, kung tan-awon ang implementasyon sa war on drugs sa Davao sa panahon nga mayor pa si kanhi Pangulong Rodrigo Duterte ug ang pagpadayon niini sa dihang nahimo siyang presidente, kini matod pa nagpakita og klarong padron sa polisiya.
Giingon ni Cortez nga ang maong padron mahimong gamiton isip basehan sa pagpasabot nga adunay organisado ug sistematikong pagpatuman sa kampanya. (James Oliver)
