Gen Z Fight Back, Marcos-Duterte panagutin, bulok na sistema baguhin! mao kini slogan nga gipaninggit sa National Union of Students of the Philippines sa umaabot nga state of the nation address ni President Ferdinand Marcos Jr.
Gawas pa niana, gihatagan og gibug-aton ni Ceejay Bebis, Secretary General sa nahisgutang organisasyon, nga kining mga nagkadaiyang suliran sa nasud kay managsama ra ug nag-ugat sa korapsyon sa gobyerno.
Samtang gipasigarbo sa administrasyon ang status sa nasud isip upper-middle income sumala sa World Bank, gipasabot hinoon niya nga dili kini tinuod nga gibati sa katawhan.
Busa, samtang padayon nga nagsalig sa importasyon ug eksport ang ekonomiya ug kulang ang pambansang industriyalisasyon, magpadayon ang ilang pagsinggit alang sa tinuod nga kausaban.
