Gipamugos sa pundok sa National Union of Students of the Philippines nga kinahanglang dili lang ma impeach apan ma-convict usab si Vice President Sara Duterte human sa iyang trial.
Sigun kang Ceejay Bebis, ang secretary general sa maong pundok, kinahanglan gyud nga managot ang opisyal tungod sa mga kwestiyonableng pondo sama sa 612.5 milyones pesos nga confidential funds ug ang 500 milyon pesos nga nagasto samtang anaa pa kini sa DepEd.
Dugang pa niya, kapin 1 bilyon ang kinatibuk-ang pondo kung ilakip ang 112.5 milyones pesos nga giingong nagasto sulod lamang sa 11 ka adlaw nga kulang sa saktong resibo ug liquidation.
Gawas pa niini, nanawagan usab siya og pagpanubag kang Pangulong Marcos Jr. kalabot sa ubang isyu sa korapsyon sa nasud.
