Nationwide ug global celebration ang ipahigayon sa mga solid supporters ni kanhi Presidente Rodrigo Duterte alayon sa iyang ika-81 nga adlaw’ng natawhan ning adlawa. Kini ang gibutyag ni City Councilor Girlie Balaba sa pakighinabi sa BOMBO RADYO. Miingon si Balaba nga aduna usab dakung birthday celebration sa Davao City, Bacolod, Pangasinan, Cebu, ug Ilo-ilo. Gawas niini, aduna usab kalihukan sa gawas sa prisohan ni Tatay Digong sa The Hague Netherlands, lakip na ang mga selebrasyon sa Hongkong, New York, Japan, ug uban pang bahin sa kalibutan. Miingon si Balaba nga daghang mga overseas filipino workers (OFWs) ang mapasalamaton kang Duterte sa panahon nga siya nangalagad sa Pilipinas kay wala gayud sila napasahgdan.
