CAGAYAN DE ORO CITY – Gusto na mosulod aron mohimo sa ilang kaugalingong pakisusi ang National Archives of the Philippines -Mngt Division sa kontrobersyal nga paglabay ug paglubong sa mga basura gikan sa kapitolyo-probinsyal sulod sa compound sa Misamis Oriental Provincial Jail sa Initao ning lalawigan.
Kini maoy gitaho ni Special Assistant to the Governor Celso Abucejo kabahin sa padayong imbestigasyon sa mga nahabwa’g balik nga mga papeles gikan sa paglubong niini sa miaging Hunyo 24 ning tuiga.
Gibutyag ni Abucejo,usa usab ka maayong lakang ang gihimong imbestigasyon sa Sangguniang Panlalawigan aron mas mahayagan ang kadaghanan kabahin sa gitugot ug limitasyon sa pagdumala sa mga karaan nang mga dokumento sulod sa kagamhanan-probinsyal.
Hisayrang miani sa nagkadaiyang reaksyon ang maong isyu gumikan sa sekreto nga paglabay niini.
