Gihisgutan sa Senate Committee on Justice and Human Rights ang sugyot balaodnon alang sa naturalisasyon sa mga basketbolista nga sila Malick Diouf ug Elizabeth Jeanette Means.
Gipangulohan ni Senator Francis “Kiko” Pangilinan ang public hearing diin mitambong sila Diouf, Means, lakip usab si Philippine Sports Commission Chairman Patrick Gregorio, ug representante sa Samahang Basketbol ng Pilipinas (SBP).
Ang ang Senate Bill No. 1596 maoy alang kang Diouf ug Senate Bill No. 1594 maoy alang kang Means.
Pulos na kini napasar sa committee level, ug gilauman nga mosaka sa plenaryo sa Senado sa sunod semana.
Hisayran nga si Diouf, usa ka Senegalese nga nagdula sa University of the Philippines Fighting Maroons sa UAAP Season 84, ug si Means, usa ka NCAA Division II player gikan sa Westminster University sa US, kondiin gilauman nga makahatag sa dako nga kontribusyon para sa Gilas Pilipinas. (Phillip Ariata)
