CAGAYAN DE ORO CITY-Giangkon sa National Bureau of Investigation o NBI-10 nga anaa pa sila sa dako nga trabaho aron ma-establisar kon kinsa ang utok sa kamatayon ni USTP president Dr Ricardo ‘Ric’ Roturas ning syudad.
Kini bisan nga may upat na ka tawo nga gikonsiderar ang Special Investigation Task Group o SITG-Rotoras nga posibleng adunay kalambigitan sa pagpusil-patay kang Rotoras sa miaging semana.
Gibutyag ni NBI-10 regional director Atty Hans Barbaso nga tanang anggulo ang ilang gitutukan sa sa paningkamot nga madali ang kasulbaran sa kaso.
Sa pagkakaron,layo pa kaayo sila sa pag-ila sa mga suspek hinungdan nangayo sila’g tabang sa publiko ilabina nga may reward money nga gitanyag balor sa 2 milyon pesos alang sa mga tawo nga makatabang sa imbestigasyon.
