CAGAYAN DE ORO CITY-Gipahimangnuan ni NBI regional director Atty Hans Barbaso ang publiko sa paghupot sa nagkadaiyang salaping papel ning pagtamod sa kapaskuhan sa rehiyon.
Kini human mikatag na ang mga pekeng salaping papel nga gisabwag sa grupo sa mga sindikato.
Gihimo ni Barbaso ang pahayag nunot sa pagkasikop sa entrapment operation sa usa sa mga suspek nga si Charlie Quintana diha sa Brgy Lapasan ning syudad sa miaging semana.
Gibutyag ni Barbaso nga posibleng daghang fake money bills na ang nagkatag sa rehiyon ning tungura.
Unang nabawi sa NBI ug Bangko Sentral ng Pilipinas gikan kang Quintana ang 300-mil pesos nga fake money nga gilangkuban sa 74 ka tag-usa ka libo;158 ka tag-kinyentos ug 87 ka tag-usa gatos.
