CAGAYAN DE ORO CITY-Giabagan karon sa NBI-10 ang PNP aron mapadali ang pagsulbad sa kasong pagpamusil sa usa ka doktor samtang sakay sa sakyanan diha sa Yacapin-Quirino Streets sa Brgy 35 ning syudad sa miaging semana.
Kini human nangayo’g ayuda ang pamilya sa naangol nga biktima nga si Dr Dra Zaynab Abejuela sa ubang investigation agencies aron mapadali ang pagsikop sa mastermind ug mga suspek nga mihimo sa kremin.
Gibutyag ni SPO1 Neil Apollo de las Alas,imbestigador sa Cogon Police Station nga mismo usab ang Camp Alagar ang nag-monitor sa dagan sa ilang imbestigasyon sa kaso sa biktima.
Nasayran nga pagdumot ang gitan-aw nga anggulo kon nganong gipusil ang biktima diin may duha ka suspek na sila nga gisunod sa maong kaso.
