CAGAYAN DE ORO CITY-Gilauman ning adlawa nga magpagawas na ang National Bureau of Investigation 10 sa listahan sa mga tawo nga
angay pasakahan sa kaso may kalabutan sa basura gikan South Korea nga gipasulod sa Tagolaon, Misamis Oriental.
Gibutyag ni Mindanao International Container Terminal collector John Simon nga gilaumang lakip sa mga makasuhan ang mga pinoy ug langyaw nga may kalambigitan sa pagpasulod sa mga basura.
Una ng gisaway si Simon ang Verde Soko gumikan sa daw walay pagpakabana niining mapabalik ang mga
basura sa South Korea.
Samtang gipangsilotan na ang mga kanhi opisyal sa Bureau of Customs kinsa gikaingong adunay kalapasang nahimo sa pagpasulod sa tone-tonelang basura sa Tagoloan, Misamis Oriental.
Gibutyag ni Simon nga ang uban sa mga opisyal ang gipang suspenso ug ang uban usab ang gipangbalhin sa laing lugar.
Gipaniguro ni Simon nga dili makalingkawas ang maong mga opisyal sa posibleng kaso nga iduso batok kanila.
Kahinumduman nga una ng gibutyag ni Simon nga adunay upat ka mga opisyal ang nauna kaniya diin mao usab kini ang higayon nga nakasulod ang mga bara sa lalawigan.
