CAGAYAN DE ORO CITY-Gipanganti karon sa National Bureau of Investigation o NBI-10 nga dili nila palabyon ang pagdakop sa bisan kinsa nga opisyal sa gobierno nga nagpadagan o naghatag proteksyon sa mga illegal lotto outlet dinhi sa syudad.
Kini human mandu-i ni Pres Rodrigo Duterte ang PNP ug NBI nga mag-usa sa ilang kampanya batok illegal gambling activities palibot sa nasud.
Miingon si NBI deputy regional director Atty Hans Barbosa nga gihulat na lamang nila ang direktiba sa executive order ni Pres Duterte aron tabangan ang PNP pagsumpo sa illegal gambling activities dinhi sa Amihang Mindanao.
Samtang gi-welcome sa liderato sa PNP-10 ang pagsulod sa NBI aron moabag pagpuhag sa nagkadaiyang illegal gambling activities dinhi sa rehiyon.
Kini subay sa mando ni Pres Rodrigo Duterte nga dunga ang PNP ug NBI paggukod sa mga opisyal sa gobierno o pribadong tawo nga utok sa illegal nga pagsugal sa nasud.
Miingon si PNP regional spokesperson Supt Lemuel Gonda nga tungod sa himoong pag-abag sa NBI,mas mopaspas ang ilang paggukod ug pagtaral sa mga nalambigit sa sindikato sa illegal lotto outlets ilabina sa syudad ug Misamis Oriental.
