Gisaway ni kanhi Misamis Oriental Vice Governor Joey Pelaez ang National Bureau of Investigation o NBI sa pagpa-itoy niini sa pamulitika ug pagpili lang sa gustong dakpon.
Giingong gipaspasan sa ahensya ang pagdakop kang Vice President Sara Duterte imbes nga unahon ang pagresolba sa daghang bug-at nga kaso sa nasod.
Gipasabot ni Pelaez nga ang kontrobersyal nga pahayag sa Bise Presidente sa milabayng tuig 2024 usa ra ka pagpadayag sa kasuko ug pagpanalipod sa iyang napriso nga Chief of Staff.
Tungod niini, nagtuo ang kanhi opisyal nga mas maayong gamiton ang pondo sa gobyerno sa pagdakop sa mga tinuod nga kriminal imbes nga gamiton ang gahom sa pang-ipit sa kontra sa politika.
