CAGAYAN DE ORO CITY- Gikompirmar ni National Bureau of Investigation o NBI-10 regional director Atty Patricio ‘Pipo’ Bernales ang kamatayon sa iyang head of agents nga si Atty Alex Caburnay ning syudad.
Kini human unang migawas ang impormasyon nga nakasinati sa atake sa kasingkasing si Bernales.
Paspas gidala sa pribadong ospital sa Cagayan de Oro City gikan sa Iligan City apan pakyas na ang mga doktor pagsalbar kaniya.
Apan nagdumili una si Bernales pagbutyag kon unsa ang pinaka-hinungdan sa kamatayon ni Caburnay.
Si Caburnay ang nagsugod sa ubos nga ranggo hangtod nga nadestino sa NBI-Iligan City District Office ayha nabalik sa NBI-10 office ning syudad isip head of agents.
Kabahin sa gihawiran nga mga kaso ni Caburnay ang online investment scams nga gatusan ang nahimong mga biktima dinhi sa rehiyon.
