CAGAYAN DE ORO CITY – Nakatutok ang NBI central office sa dagan sa imbestigasyon kabahin sa gipusil nga si Customs deputy collector for assessment Arthur Sevilla Jr sulod sa iyang pinuy-anan sa Brgy Bugo sa syudad sa miaging Pebrero ning tuiga.
Kini human kompirmaha ni NBI-10 regional director Atty Patricio Bernales nga gitahasan siya sa kauluhan nga pangunayan ang pag-imbestigar sa pagsulay’g patay kang Sevilla sa motorcycle in tandem suspects.
Miingon si Bernales nga na-estorya na sa iyang duha ka imbestigador ang biktima samtang luwas na kini sa mga samad nga naangkon pipila ka bahin sa lawas niini.
Una nang gikonsiderar sa PNP nga kalabutan sa trabaho kon nganong tuyo ipapatay ang maong opisyal.
