CAGAYAN DE ORO CITY- Gipangaliyupo sa National Commission on Muslim Filipinos o NCMF-Northern Mindanao nga kanunay nga anaa sa luwas nga sitwasyon ang kasundaluhan ug kapolisan nga naghatag seguridad sa katawhan sa Marawi City.
Mensahe kini ni NCMF regional director Atty Ombar Gandamra sa pagsaulog sa Eidl Fitr diin tapuson na nila ang usa ka bulan nga obserbasyon sa Ramadan.
Giangkon ni Gandamra nga nasakitan pag-ayo sila nga mga Muslim tungod kay daghan sa ilang mga kaliwatan ang nagsaulog sa Ramadan nga naipit sa kagubot tungod sa pagpanghasi sa teroristang ISIS-Maute sa pinangga nilang syudad sa Marawi.
Hisayrang una nang gikondinar sa mga lideres sa Muslim Community ang linu-og nga binuhatan sa mga teroristang Maute sa Marawi City.
