CAGAYAN DE ORO CITY-Magpadala’g ayuda ang National Commission on Muslim Filipinos o NCMF -Central Office alang sa mga apektadong residente sa kagubot sa Marawi City karong adlawa.
Kini tungod sa libuang pamilya nga nanghikling sa ilang mga pinuy-anan diin midangop sa ilang mga paryente sa Lanao del Norte;Iligan City,Misamis Oriental ug dinhi sa syudad.
Nagbutyag si NCMF regional director Atty Ogie Gandamra nga kabahin sa ihatag nga ayuda ang mga bugas,sardinas ug ubang panginahanglanon alang mga biktima.
Una usab niini,anaa sa Iligan City si DSWD regional information officer Charmaigne Tadlas aron personal ma-assess ang kahimtang sa mga biktima sa kagubot.
Hisayrang subay sa data gikan sa PNP-ARMM nga may 2-mil 737 nga pamilya ang nanghikling tungod sa kagubot sa Marawi City.
