CAGAYAN DE ORO CITY-Gitakdang mohimo’g konsultasyon ang National Confederation of Transport Union o NCTU Northern Mindanao sa transport operators sa syudad ugmang adlawa.
Kini aron itaho sa NCTU kon unsa na ang update sa pakigbisog sa transport groups kabahin sa pagsupak nila sa pag-phase out sa 15 anyos pataas nga mga jeep pasayruan sa nasud.
Miingon si NCTU regional coordinator Joel Gabatan nga moanhi ang ilang mga negosyador gikan sa kauluhan alang niini.
Sa miaging bulan,mihimo’g nationwide transport strike ang NCTU inabagan sa ubang hugpong aron ipadayag ang pagsupak sa pag-phaseout sa mga sakyanang jeep.
