CAGAYAN DE ORO CITY- Hingusgan pa sa grupong National Confederation of Transport Union o NCTU ang ilang demanda nga hatagan sila sa 5 ka tuig nga moratorium sa paghulip o pag-upgrade sa mga pang-pasayruhan jeep.
Kini human inisyal nga miuyon ang Dept of Transportation o DOTr nga hatagan sila sa tulo ka tuig aron makapangandam sa paghulip sa bag-ong unit sa mga public utility vehicle.
Si NCTU-Northern Mindanao coodinator Joel Gabatan miingon nga gitahasan na usab sila sa Dept of Finance nga mag-canvass sa bag-ong sakyanan aron ihulip sa tag-15 anyos nga jeep diin nagbalor P1.2 milyon matag-usa.
Hisayrang sa miaging mga bulan,mihimo’g nationwide nga tigil-pasada ang NCTU aron ipaabot ang mensahe nga hatagan sila’g 5 ka tuig nga moratorium ayha ipatuman ang pag-modernize sa ilang mga sakyanang pangpa-sayruhan.
