(Update) CAGAYAN DE ORO CITY – Mitabang na ang mga personahe sa NDRRMC dala ang unom ka K9 cadaver search dogs aron makumpleto na ang pag-retrieve sa lima ka tawo nga nalubong-buhi sa dihang nahugno ang bukid sa Sitio Mabuhay,Brgy San Luis,Malitbog,Bukidnon.
Kini human halos naabtan na’g semana ang pagpangita sa mga biktima sukad nahitabo ang landslide sa Lunes sa udto.
Gawas niini,may lima ka sakop usab sa MMDA personnel ug laing lima ka cadaver search dogs ang gipadala gikan sa kauluhan alang sa pagsulbad sa trahedya.
Una nang gikompirmar usab ni Malitbog MDRRMO rescuer Jeryl de la Cruz nga bugtong si Raffy Simpruta na lang ang wala mahaw-as sa landslide site kay sunod-sunod nang narekober ang mga patay’ng lawas nila ni Lucrecio ug Angelista Labrona;Nerio Talines ug Jordan Vincent Achas sa local retrieal teams sa miaging semana.
