CAGAYAN DE ORO CITY – Gibarugan ni NEDA 10 regional director Mylah Faye Aurora Cariño nga anaa lamang sa sobra 25 porsiento sa mga negosyo ang apektado sa krisis nga dala sa COVID-19 sa Northern Mindanao.
Kini bisan kon nasulti sa business sector nga anaa sa survival mode ang business operation ilabina sa dakbayan.
Miingon si Cariño nga sa 37-mil 412 ka negosyo sa rehiyon sa tuig 2018,anaa sa 74 porsiento niini ang wala maapektuhi sa pandemya.
Apan gibutyag usab niini nga sa 9-mil 672 ka balay patigayon nga nangayo’g ayuda sa DOLE,36 kanila ang hingpit nasira tungod sa pagka-lugi.
