Mipasalig ang National Economic and Development Authority o NEDA nga e-rebyo ang mga sukdanan sa gisitar nga 63.87 pesos day-food poverty threshold’ sa nasud sa kada tawo.
Sa gilusad nga plenary deliberation sa gisugyot nga budget sa Department of Trade and Industry para sa 2025, si Pangasinan Representative Christopher de Venecia miingon nga ang DTI ug NEDA nagtinabangay aron matubag ang mga kabalaka sa 64 pesos budget meal kada adlaw.
Una niini, ang buhatan sa NEDA maoy nangunay sa pagrepaso sa ilang gamiton nga metodolohiya partikular sa data nga nakahatag sa tukmang representasyon sa panginahanglan sa katawhang pilipino.
Hisayran nga si De Venecia, maoy budget sponsor sa DTI, ug miingon nga lakip susihon sa dha ka ahensya ang pagkaon nga gihan-ay sa Food and Nutrition Research Institute aron musibo ang ilang pagtuon sa panginahanglang nutrisyon sa mga Pilipino ug kung pila ang kinatibuk-ang presyo nga magasto sa pagkaon.(Bombo Anne Quileste).
