Kinahanglang ipamugos sa gobyerno ang usa ka negosasyon nga mas pabor sa Pilipinas kon gusto niining mahimong player sa Pax Silica AI Hub.
Sa interbyu sa Bombo Radyo, gipasabot ni Dr. Allain Fonte, usa ka global economics professor, nga kinahanglang maprotektahan ang kaugalingong resources sa nasud batok sa kompetisyon sa Amerika ug China sa teknolohiya.
Bisan kon gibanabanang makahatag kini og 130,000 ka trabaho, nabalaka ang eksperto nga basin sa kadugayan mapunta ra gihapon sa mga langyaw ang maayong oportunidad.
Tungod niini, nagpasidaan ang propesor nga kinahanglang sigurohon sa gobyerno nga ang kasabutan magdala og tinuod nga kaayohan para sa mga Pilipino ug dili lang sa Amerika.
