Gibutyag ni Department of Foreign Affairs (DFA) Assistant Secretary ug ASEAN 2026 spokesperson Dominic Xavier M. Imperial nga miuswag na sa 70 porsiyento ang nauyonang Code of Conduct (COC) sa West Philippine Sea tali sa Association of Southeast Asian Nations (ASEAN) ug China.
Matud ni Imperial, usa kini ka dakong kalamboan sa nagpadayong negosasyon ubos sa pagpangulo sa Pilipinas isip ASEAN Chair karong tuig sa 2026.
Bisan pa niana, gipatin-aw sa opisyal nga nagpabilin gihapong bukas ang mga mahinungdanong isyu sa nahibiling 30 porsiyento sa kasabutan.
Lakip sa sensitibong isyu nga padayon pang gihisgutan ang mga legal ng implikasyon sa COC nga naglakip sa sakop nga mga kadagatan ug uban pang mga mahinungdanong probisyon alang sa kalinaw ug seguridad sa rehiyon. (raniel mahunyag)
