CAGAYAN DE ORO CITY – Kalambigitan sa babaye ang gitoohan sa PNP kon nganong gipusil-patay sa motorcycle in tandem suspects ang negosyante nga taga-Iligan City pag-abot sa Barangay Matampay,Marawi City.
Giila ni Col. Madzgani Mukaram, director sa Lanao del Sur Police Provincial Office ang biktima nga si Sohaily Domagay Pandapatan nga nagpuyo sa Brgy Sta. Elena,Iligan City.
Miingon si Mukaram nga sakay sa motorsiklo si Pandapatan padulong sa lungsod sa Saguiaran dihang kalit kining gipusil sa daghang higayon sa wala mailang mga suspetsado.
Nakaangkon sa igo dughan ug tiyan ang biktima gamit ang kalibre 45 hinugndan gidali pagdala sa Amai Pakpak Medical Center diin siya nabugtuan sa kinabuhi.
Subay sa na rekober sa celphone,may ka textmate nga babaye ang biktima nga kanunay nangita sa iyang lokasyon samtang padulong sa Marawi City kagahapong adlawa.
