CAGAYAN DE ORO CITY – Bangi sa negosyo o dunay gikabikil sa pagdula’g biliard ang gitan-aw nga anggulo sa kapolisan sa pagpusil-patay sa negosyante sa buy and sell sa sakyanan diha sa Brgy Patag ning syudad.
Giila ang biktima ng si Mac Rayelvie Sitol,32 anyos,minyo ug nagpuyo sa Tejero Street,Brgy Patag sa dakbayan.
Miingon si Carmen Police Station commander Police Maj Ian Borinaga nga dead on arrival ang biktima dihang gidala sa ospital pipila ka minutos gikan sa hitabo.
Kamulo pagdula sa billiard ang biktima dihang kalit kining gipusil sa wala mailang suspek diin nakaangkon sa tulo ka igo sa dughan hinungdan sa kamatayon niini kagahapon sa kadlawon.
