(Update) Bangi sa kanhi gisudlang negosyo tali sa salon owner ug duha ka armadong suspek nga mipusil-patay kaniya sa Daproza Street,Brgy Dadiangas West, General Santos City.
Kini ang pasiunang resulta sa imbestigasyon ni Pendatun Police Station commander Capt Cyrus Vince Arro kabahin sa gidangatang kamatayon sa biktima nga si Renante Tampus kagabii.
Miingo si Arro nga natumbok na nila ang mga suspek apan kamulo ang paglusad sa operasyon kay paspas nakasibat paghuman sa kremin.
Makita sa kuha nga CCTV nga naglingkod ang biktima ug kalit namusil ang nakataptap nga suspek diin armado sa kalibre 38 nga pusil ug laing caliber 45 pistol.
Kasong murder ang gihikay sa mga otoridad batok sa mga mihimo sa kremin.
Hisayrang gidali pagdala sa ospital ang biktima nga tag-iya sa Renatanara Salon apan wala na kini maluwas tungod sa kadaghang igo pinusilan niini.
