CAGAYAN DE ORO CITY – Nadakpan pinaagi sa entrapment operation sa kapolisan ang negosyante nga pakyas nakabayad sa kontribusyon sa Social Security System o SSS alang sa iyang mga empleyado ning syuadd.
Giila ni SSS Employer Deliquency Monitoring Department Exec Officer 2 Carlos Flaviano ang suspek nga si Bienvinido Macaraig, tag-iya sa Bunny Farm.
Sumala ni Flaviano nga wala mabayri ni Macaraig ang SSS contributions sa iyang 20 ka empleyado.
Dugtong niini, mitala na sa P1.2 million ang remittance delinquency ni Macaraig gikan Pebrero 2012 hangtud Desyembre 2014.
Nag-atubang si Macaraig sa kasong RA 8282 o non remittance of SSS contribution ug gimanduan sa korte nga magbayad sa pyansa alang sa iyang temporaryong kagawasan.
Samtang gipamugos ni Macaraig nga wala siya magpasagad sa iyang obligasyon sa SSS.
Sumala ni Macaraig nga kanunay siya nakig-koordinar sa ahensiya pinaagi sa iyang legal counsel kalabot na sa iyang remittance delinquency.
Si Macaraig miingon nga moabot sa 5 hangtud P7 million ang nawala kaniya tungod sa iyang kawatan nga mga trabahante.
Dugang niini nga nagsunod-sunod ang iyang giatubang nga suliran human siya masunugan.
