CAGAYAN DE ORO CITY – Patay ang usa ka gwardiya human gipusil sa wala mailang suspek diha sa may Barangay Balulang ning lungsod.
Giila ang namatay nga si Aresteo Agbo.
Matud ni Carmen Police station commander Police Major Ian Borinaga, nga gawas sa pagka-sekyu, side line usab sa biktima mao ang pagpamaligya sa cacao tablets.
Gipusil ang biktima gamit ang kalibre .45 nga armas samtang sakay sa iyang motorsiklo padulong sa Laguindingan, Misamis Oriental.
Giimbestigahan pa sa kapulisan ang motibo sa krimen.
