CAGAYAN DE ORO CITY-Iduso na ang kasong pagbaton sa ilegal nga armas o mga bala batok sa negosyante sa piskalya sa Bukidnon ugmang adlawa.
Kini human unang nasikop pinasikad sa search warrant sa korte ang suspek nga si Aldrin Go Diaz nga nagpuyo sa Purok 3 Brgy Ala-e,Manolo Fortich sa maong lalawigan.
Gibutyag ni SPO4 Noel Oclarit,hepe sa investigation section sa CIDG-Cagayan de Oro nga gisikop nila si Diaz sa pasangil nga magpabuto kini’g armas diin naghatag kahadlok sa iyang mga silingan.
Kabahin sa nakuha gikan sa suspek ang M-16 single shot rifle;Uzi sub-machine gun pistol;mga bala sa M-16 rifle ug 9mm pistol.
Nagdumili paghatag komento ang suspek kabahin sa pasangil batok kaniya.
