CAGAYAN DE ORO CITY- Gikasuhan na ang negosyante kuyog sa iyang tinedera diha Roa-Hayes Streets ning syudad.Kini human unang nakuhaan sa sobra’g presyo nga mga alcohol bisan sa price freeze nga gipatuman tungod sa coronavirus.
Miingon si Lt Noel Oclarit sa CIDG-Misamis Oriental nga ubay-ubay’ng kaso ang gipasaka nila batok kang Ramnito Boiser kinsa tag-iya sa Oro Foodcart sa maong lugar.
Dugang ni Oclarit nga tiwason nila ang pagduso sa kaso aron malugwaan sa mando pagka-priso.Apan giklaro sa opisyal nga mapiyansahan ang maong mga kaso gipasaka nga giatubang sa maong suspek.
Nakuha sa posisyon sa iyang tindero ang marked money nga P160 gikan sa duha ka tag 250-mL nga alcohol nga test buy sa mga operatiba.
Kinatibuk-ang 100 ka ihap sa tag 50ml ug 10 ka mga 250mL nga alcohol ang nakompiskar sa mga otoridad.
Namugos si Boiser nga taas nang daan ang presyo sa mga alcohol nga iyang gibaligya sa katawhan sa syudad.
