CAGAYAN DE ORO CITY- Iduso sa kapolisan ang illegal possession of ammunition nga nalatid sa Republic Act 10925 batok sa negosyanteng si Filipino-Chinese national sa piskalya ning syudad sunod semana.
Kini human aktong nasapon sa City Intelligence Unit ug Bulua Police Station sinaksihan ni Carmen Brgy Kag Sonny Cahayag ang sinako nga dagkong mga klase sa bala ug magazines sa armas gikan sa posisyon sa suspek nga si Jay Tan.
Namahayag si C/Insp Ariel Philip Pontillas,hepe sa CIU sa City Police Office nga naduso na nila ang mga dokumento sa piskalya apan ipadayon ang pag-inquest kang Tan sunod semana.
Una nang nakuha gikan kang Tan ang 15 ka rounds sa bala sa caliber 50 machine gun;M-16;M-14 ug sinako nga
kapsula sa laing caliber 50.
Samtang gibasol sa suspek nga si Jay Tan ang pipila sa iyang customers nga maoy nagpalusot sa sinako nga mga bala sa high powered fireams sulod sa gipanag-iya nga warehouse niini diha sa Brgy Carmen ning syudad.
Kini human nasikop sa kapolisan si Tan subay sa mando ni RTC Branch 18 Executive Judge Dennis Alcantar tungod sa pagbaton sa mga kontrabando.
Namahayag si Tan nga wala siya’y kasayuran nga may mga bala gikan sa Marawi City ug Iligan City nga nakasulod sa warehouse niini.
Hinoon,moduso’g piyansa si Tan sa piskalya alang sa temporaryong kagawasan sa adlaw’ng Lunes.
