CAGAYAN DE ORO CITY – Ipasaka ang mga kasong illegal possession of firearms ug illegal possession of explosives batok sa dakong negosyante sa manokan sa piskalya ning syudad karong adlawa.
Kini human unang nasikop sa hiniusang operasyon sa kapolisan ug militar ang suspek nga si Emmanuel Castrodes,42 anyos,minyo ug tag-iya sa pipila ka poultry farms diha sa Brgy Malanang,Opol,Misamis Oriental.
Miingon si P/Insp Julieto Bolonos,deputy commander ng Opol Police Station nga nakuhaa sa CIDG-Cagayan de Oro Team pinanguluhan ni Supt Melgar Devaras ang suspek sa klase-klaseng mga armas sulod sa pinuy-anan niini sa maong lugar.
Kabahin sa mga nakuha ang mga armas nga M4 rifle;AK-47;bushmaster;STI caliber 40;Para ord 45,duha ka shotguns;tulo ka kalibre 22 ug duha ka 9mm pistols.
Nakompiskar usab ang klase-klase nga mabala gikan sa suspek.
Una nang gibutyag sa pipila ka residente sa Opol nga nalambigit sa pipila ka reklamo sa harassment ang suspek hinungdan sa pagka-aresto subay sa mando sa korte sa miaging semana.
