CAGAYAN DE ORO CITY-Nagkit-ang patay ang inila nga managing director sa dakong planta sulod sa pinuy -anan niini diha sa Morning Mist Subd.,Pueblo de Oro,Upper Carmen ning syudad.
Giila ang biktima nga si Engr Juan Miguel Arroyo Araneta, 54 anyos,bulag sa kapikas ug nagsilbi kaniadto nga managing director sa Mindanao Carbon Plant diha sa El Salvador City,Misamis Oriental.
Inisyal nga nasayran sa Bombo Radyo gikan sa mga katabang sa biktima nga nagpusil sa ulo ang ilang agalon sulod sa lawak niini kaganihang buntag.
Gibarugan usab sa usa sa mga katabang walay laing tawo nga nakasulod sa tibuok adlaw hinungdan nga nagduda sila nga naghikog ang biktima.
Apan,gihulat pa ang resulta sa imbestigasyon aron masuta kon unsay hinungdan sa kamatayon niini.
Una usab niini,gikakurat sa suod nga higala sa biktima nga si Johann Confessor dihang miabot kaniya ang taho.
Gani,nagka-estorya pa ang duruha sa wala pa mahitabo.
