CAGAYAN DE ORO CITY – Kasuhan sa CIDG-Misamis Oriental ang negosyante nga nasapon nga nalambigit sa overpricing sa pagbaligya sa alcohol products diha sa Capt Vicente Roa-Hayes Streets ning syudad.
Kini human gilusad sa CIDG kuyog ang ubang ahensiya ang gobierno ang entrapment operation batok sa tag-iya sa Oro Foodcart nga si Ramnito Boiser
Miingon si Police Lt. Noel Oclarit sa CIDG-MisOr nga nakuha sa posisyon sa iyang tindero ang marked money nga P160 gikan sa duha ka tag 250-mL nga alcohol nga test buy sa mga operatiba.
Kinatibuk-ang 100 ka ihap sa tag 50ml ug 10 ka mga 250mL nga alcohol ang nakompiskar sa mga otoridad.
Namugos si Boiser nga taas nang daan ang presyo sa mga alcohol nga iyang gibaligya sa katawhan sa syudad.
