CAGAYAN DE ORO CITY, Philippines – Giprangkahan Israeli Prime Minister Benjamin Netanyahu si French President Emmanual Macron.
Nunot kini sa panawagan ni Marcon sa mga allied leaders nga undangan na ang pagsuporta sa Israel.
Sa iyang televised speech, gipalig-on ni Netanyahu nga mga puwersa sa dautan ang ilang gipakigbatukan ug laing bag-o niini mao ang mga rebelde gikan sa Iraq.
Miingon si Netanyahu nga ang pagdugang sa Iraq sa kowalisyon sa Hamas, Hezbollah, ug Houthis nagpalig-on lang sa mensahe nga nangandam ang Iran sa mas daku nga gubat.
Una niini, dugay nang gipamugos sa Israeli Defense Force nga pulos gipunduhan sa salapi ug armas sa Iran ang tolo ka mga group nga giila sa internationa community isip Terror Groups.
Ugmang adlaw, itamod sa tibook Israel ang unang tuig-anibersaryo sa pag-atake sa Hamas Militants sa Kibbuts Area sa Israel, nga gikamatay sa libuang mga sibilyan nadtong Oktobre 7, 2023.
